Now Playing Tracks

هجوم الزومبى

  • " عدد الشخصيات 4 "

  • سولى - عمرو - ميمو- بدير

  • خبر فى الجريدة ينص على " ظهور عدة جثث جديدة مقتولة فى القاهرة على يد مجهول "

  • - القرضاوى على الجزيرة :

    انا بحمل الجيش المصرى مسئولية الناس اللى ماتت فى القاهرة دى

  • - وزير الداخلية على الحياة :

    انا وصلتنى معلومات ان الناس اللى ماتت دى ماتت على ايد الاخوان و ان شاء الله هنعمل تحريتنا و نعرف مين الجانى و نقدمه للمحكمة

  • - قطع

  • المكان على نصية احد الشوارع

  • شخص 1 :

    ولا , انا شوفت زومبى امبارح !

  • شخص 2 :

    احا , انت شوفت نادية الجندى فين ؟!

  • شخص 1 :

    نادية الجندى ايه يا عم بقولك زومبى بجد !

  • شخص 2 :

    ايه اللى عرفك انه مش مجرد نادية الجندى ؟

  • شخص 1 :

    كان قاعد بياكل مخ فى السيدة امبارح ..

  • شخص 2 :

    لو هنتكلم بالمبدء دا فى نص مصر بتاكل مخ و مش مقعول مصر كلها زومبيز

  • شخص 1 :

    لا لا انا اقصد انه كان بياكل مخ بنى ادم

  • شخص 2 :

    احا بجد , دا ممكن يكون فامبير اصلا !

  • شخص 1 :

    لا لو كان شبه الفنان سمير الاسكندرانى كنت هتأكد انه فامبير

  • شخص 2 :

    امال اللى انت شوفته كانت ايه مواصفاته ؟

  • شخص 1 :

    كان فيه شبه كبير من وش البلتاجى على جسم احمد التباع !

  • شخص 2 :

    يا دين امى دا طلع زومبى بجد .. طيب هنتصرف ازاى ؟

  • شخص 1 :

    مش عارف

  • شخص 2 :

    جربت تبلغ البوليس ؟

  • شخص 1 :

    اه اتصلت , الظابط قالى الزومبيز دول ليهم علاقة بـ الاخوان او اى تنظيمات سرية ؟ , فقولتله لا .. راح قفل السكة فى وشى

  • شخص 2 :

    بقولك ايه يا معلم , انت شكلك كنت بتتخيل , امسك السيجارة الحلوة دى و احلى مسا عليك

  • شخص 1 :

    احلى مسا , معكش الولاعة بقى عشان نسيت ولاعتى فى البيت النهاردا

  • شخص 2 :

    تصدق و انا كمان نسيت الولاعة بتاعتى استنى فى واحد ماشى هناك اهو تعالى نشقط منه ولاعة

  • شخص 1 & 2 :

    يا نجم ... يا كابتن .. يا كبير ... يا رايق , انت يا عم ما ترد على ميتين امنا

  • يلتف الرجل المار اليهما و يكتشفوا انه زومبى ثم يصبان بالزعر و يبدأن بالفرار

  • شخص 1 :

    مش قولتلك يا ابن المرا

  • قطع

  • المكان فى عرفة احدهم -

  • شخص 1 :

    صدقتنى يا عم , الزومبيز بينتشروا و محدش راضى يصدقنى

  • شخص2 :

    انا مش صعبان عليا الا السيجارة اللى وقعت مننا و احنا بنجرى , احنا ننزل تانى نفشخ الزومبى دا و نرجع

  • شخص 1 :

    هاهاهاهاى , ولا احنا لازم نتصل بـ برنامج مشهور و نقول الخبر ع الهوا و الناس كلها تعرف , ايه رائيك فى لميس الحديدى

  • شخص 2 :

    انت بتستهبل يا عم , دا انا واثق ان لميس هتطلع زومبى اصلا و تيجى هنا تفشخنا

  • شخص 1 :

    تصدق معاك حق , هى مش ناقصه فعلا

  • * الهاتف يرن من رقم مجهول "

  • شخص 2 :

    الو

  • * الناحية الاخرى من الشاشة شخص يظهر بظهرة يتحدث بصوت غليط و الاضاءة خافتة من حوله *

  • العالم المجنون :

    انتوا شوفتوا زومبيز النهاردا صح ؟

  • شخص 2 :

    اهاااا , هو مين معايا ؟

  • العالم المجنون :

    بعدين تعرف المهم انتوا لازم تقابلونى دلوقتى هستناكم فى وسط البلد

  • شخص 2 :

    لحظة واحدة انت عاوز ايه , و ليه بتتكلم بصوت مخشرج كدا و ضافى النور و مدينا ضهرك

  • العالم المجنون :

    لامواخذة

  • " يتسدير العالم المجنون و يشد حبل اللمبة فى يضئ المكان ثم يتحدث بصوت طبيعى "

  • العالم المجنون و على وجه ابتسامة بلهاء :

    انا قولت بس اضيف شوية دراما للموضوع , استنونى فى وسط البلد خلال نص ساعة

  • شخص 2 :

    نص ساعة ايه دى يا عم , دا احنا فى مصر الشوارع زحمة و هناخد ساعتين عقبال ما نوصل

  • العالم المجنون :

    اه , لامؤاخذة

  • قطع -

  • - المكان احد شوارع وسط البلد

  • * تتقدم بـ اتجاهم سيارة بدون سائق و تقف

  • شخص 1 :

    هو فين الراجل دا ؟

  • شخص 2 :

    هو بعتلنا عربية بريموت

  • صوت يخرج من راديو السيارة :

    اركبوا العربية

  • يركبوا السيارة ثم تبدء فى التحرك *

  • قطع -

  • المكان فيلا صغيرة

  • تدخل السيارة الفيلا ثم يخرج منها البطلان منها و يتقدمان نحو باب الفيلا, يُفتح الباب تلقائيا ثم يدخل البطلان لداخل المنزل ليجدوا انفسهم امام العالم المجنون

  • العالم المجنون :

    اهلا بيكوا فى معملى المتواضع

  • " فى الخلفية فاير وركس كتير "

  • شحص 1 :

    انت ليه دايما ادءك اوفر كدا ؟

  • العالم المجنون و على وجهة نظرا بؤس :

    اصل بصراحة كان نفسى اطلع ممثل و بس ابويا دكتور بهجورى كان نفسه اكون عالم و مقدرتش ابقى اللى انا عاوزه , عشان كدا بقيت اسلى وقتى و اتفرج على " Sons of Anarchy " ,

  • شخص 1 :

    ....

  • شخص 2 :

    .....

  • العالم المجنون :

    ما علينا تعالى ورايا على اوضة الابحاث

  • يتجه الثلاثة نحو غرفة الابحاث , الغرفة عبارة عن مكان مليئ بالشاشات الكبير و الادوات العلمية

  • العالم المجنون :

    نسيت اعرفكم بنفسى , انا دكتور شربينى عالم متخصص فى علم الأنثروبولوجيا , اكتشفت مؤخرا ظهور زومبيز فى مصر زيكم كدا و كنت بحاول مقولش لحد عشان اقدر ادرس اسباب الموضوع و اشوفله علاج , بس للاسف فشلت انى الاقى علاج بس عرفت السبب

  • شخص 1 :

    ايه السبب ؟

  • دكتور شربينى :

    انا قدرت امسك حالة عندها داء الزومبى و قدرت احلل الخلايا بتاعتها و اكتشفت ان السبب فى كل دا هو ان كل الحالات المصابة كانت بتسمع اغنية " تسلم الايادى " بشكل يومى فبدات خلايا مخها تنحدر و تتحول و بعد كدا اتحولت خلايا بقيت جسمهم و اتحولوا لزومبى بيدوروا على اى عقول بشرية عشان يتعذوا عليها بدل عقولهم اللى حد ما وقفت عن العمل عشان يقدروا يكملوا حياتهم

  • شخص2 :

    طيب انت جايبنا هنا ليه ؟

  • دكتور شربينى :

    جايبكم هنا عشان اولا متبلغوش اى حد باللى انتوا شوفتوا دا , ثانيا عشان تساعدونى فى التخلص من الزومبيز

  • شخص 1 :

    هنساعدك ازاى ؟

  • دكتور شربينى :

    نظرا انى ملقتش اى علاج كيميائى فـ احنا هنضطر للتخلص منهم قبل ما ينتشروا اكتر من كدا بالاسلحة العادية , انا حطيت جهاز تتبع فى عينة قدرت اخدرها و قدرت اعرف تحركاتها و عرفت انهم متجمعين فى مكان كدا فى اطراف المدينة فـ احنا هنروحلهم نخلص عليهم

  • شخص 1 :

    ...

  • شخص 2 :

    ....

  • دكتور شربينى :

    انتوا مالكوا ساكتين كدا ليه ؟ لو شايفين انكم متقدروش ع المهمة دى تقدروا تقولوا كدا و انا هتقبل

  • شخص 2 :

    انت بتهزر نرفض ازاى ؟ دى حلم حياتنا اننا نواجه زومبيز و نتخلص منهم من ايام ما كنا بنلعب " the house of dead "

  • شخص 1 :

    اه , اخيرا هنقدر نعيش جو مسلسل " the walking dead " و نقتل فى الزومبيز , هيييييه

  • - دكتور شربينى يضغط على زرار لكى تظهر العاب نارية وراء البطلان

  • شخص 1 :

    انت ليه اوفر كدا

  • الدكتور شربينى :

    انا بس حاولت اضيف اللمسة السينمائية ع المشهد

  • شخص 2 :

    ارجوك بطل اللى بتعمله دا , انت كدا هتخلص علينا احنا قبل الزومبيز

  • الدكتور شربينى ببؤس :

    طيب , المهم دلوقتى دى كل الاسلحة اللى هنحتاجها فى المعركة ضد الزومبيز

  • البطلان فى صوت واحد :

    واااااااو , العب

  • الدكتور يمسك سلاحه و الكاميرا تعمل على زوم وشه و فى الخلفية موسيقى حماسية و يتكلم الدكتور بكل قوى فى صوته :

    يالا نعمل شوية واااوا للزومبيز يا رجالة

  • - قطع

  • المكان منزل عملاق على اطراف القاهرة -

  • تقف سيارة الدكتور و ينزلوا منها و فى ايدهم الاسلحة

  • شخص 1 :

    هو دا المكان ؟

  • الدكتور شربينى :

    اه هو دا يا شباب حسب ما بيقول جهاز التتبع اللى انا حطيته فى العينة

  • شخص 2 :

    هو ينفع بعد ما نخلص عليهم نحتل المكان دا و ناخده لينا ؟

  • الدكتور شربينى :

    اه يا شباب بس لما نخلص عليهم الاول يالا تعالوا نستخبى فى مكان و نستناهم لحد ما يخرجوا

  • شخص 1 :

    احا هو احنا مش هنهاجم عليهم

  • دكتور شربينى :

    لا طبعا مش هناجم عليهم , احنا منعرفش عددهم جواه قد ايه و هنستنى لحد ما هما يخرجوا دفعات ونبدء نخلص عليهم

  • شخص 2 :

    و دول هيخرجوا امتى دول ؟

  • دكتور شربينى :

    هيخرجوا فى اى وقت, احنا لازم نستناهم هنا مينفغش نهجم دلوقتى

  • - بعد مرور ساعتين

  • شخص 2 :

    جرى ايه يا دووكتور احنا بقالنا ساعتين واقفين و مشوفناش زومبى يوحد ربنا , اما نهاجم لا أما نروح ولا انت جايين تاخد " تان " هنا

  • دكتور شربينى :

    .....

  • شخص 1 :

    بصوا ايه اللى هناك دا !!, دا شكله زومبى يالا نبينا نقتله

  • دكتور شربينى :

    لأ لأ , استنوا محدش يروح يقتله

  • شخص 2 :

    امال هنعمل معاه ايه , هنلعب معاه استميشن ؟

  • دكتور شربينى :

    اصل انا بصراحة فكرت و لقيت اننا هنحتاج منهم عينة حية قبل ما نخلص عليهم عشان اقدر الاقى ليهم علاقة كيمياوى يخلص عليهم لو ظهروا تانى

  • شخص 1 :

    طيب و المطلوب مننا نعمل ايه دلوقتى ؟

  • دكتور شربينى :

    انتوا هتتسحبوا من وراه و انا همسك حقنة المخدر دى و اخدروا بيها و نحطه فى العربية

  • يتسحبوا التلاتة بـ اتجاه الزومبى و يبدؤا بالانقضاض عليه البطلان

  • الزومبى النباتى :

    ارجوكم متقتولنيش متعورنيش متأذونيش

  • شخص 2 :

    الحق يا دكتور دا طلع بيتكلم !!

  • الزومبى النباتى :

    اه بتكلم , انا اصلا زومبى نباتى مش باكل عقول البشر

  • التلات :

    ....

  • يتابع الزومبى النباتى كلامه :

    انا قدرت اعود نفسى انى اكل خضروات بدل عقول البشر و كنت جاى هنا عشان اعمل حملة تبشيرية لاخواتى الزومبى و اقنعهم انهم يبطلوا اكل عقول بشرية و يبقوا نباتين زى

  • الدكتور شربينى :

    بس احنا جايين هنا عشان نخلص عليهم اصلا

  • الزومبى النباتى :

    لا ارجوك , خلينا اجرب معاهم يمكن اقنعهم

  • الدكتور شربينى :

    بس وجودك معاهم خطر عليك

  • الزومبى النباتى :

    لا انا واثق انهم هيقتنعوا

  • الدكتور شربينى :

    اوك خد نمرتى لو حصل اى حاجة مريبة جوا بلغنى بيها

  • الزومبى النباتى :

    اوكى , ماشى هتصل بيك فورا

  • يبدء الزومبى النباتى بـ الاتجاه ناحية بيت الزومبيز -

  • الدكتور شربينى :

    يا زومبى ! ... لا اله الا الله

  • الزومبى النباتى :

    محمد رسول الله

  • بعد عشر دقايق

  • دكتور شربينى :

    الو ؟

  • الزومبى النباتى :

    ايوه يا دكتور العالم بنت المرا دى بتتهجمنى هنا , افشخوا ميتين امهم .. متسبوش فيهم واحد ... أاااااااأ لأاااااااااااااااع

  • الدكتور شربينى :

    الو؟ .. الو؟ ..الو؟ يا زومبى رد عليا ... شباب من الواضح ان الزومبى النباتى مات

  • شخص 1 :

    هاهاهاهاها , احسن مش هو اللى عمل فيها نبى و دخل يدعيهم لدين جديد جواه

  • الدكتور شربينى :

    من الواضح ان الزومبيز طلعوا اقوى من ما كنا بنتخيل , ربنا يستر

  • تبدء اول دفعة بالخروج من المنزل

  • الدكتور شربينى :

    اهم بدؤا يخرجوا اهم يالا بينا

  • البطلان :

    ايوه بقى الشغل بدء

  • الدكتور شربينى :

    ايه دا دا عددهم طلع كبير , اممممم طيب يا شباب انا الظاهر نسيت مفاتيح العربية فى الامبلولاءة فهروح لالكاسسساااسيباا ا و جاى

  • البطلان :

    ايه ؟

  • يجرى الدكتور مسرعا ع العربية و يهرب و يترك البطلان

  • شخص 2 :

    الحق يا معلم احنا شكلنا لببسنا و الدكتور خلع

  • شخص 1 :

    اجما مقدمناش دلوقتى غير اننا نواجهم يا معلم

  • شخص 2 :

    يالا بينا

  • يبدء البطلان بقتل الزومبيز بأسلحتهم الفتاكة لمدة دقيقة ثم يلاحظان وجود مصطفى كامل وسط الزومبيز بعد ان تحول اى زومبى هو الاخر

  • شخص 1 :

    ولا الحق مش دا مصطفى كامل ؟

  • شخص 2 :

    احا تصدق فعلا هو , دا اتحول زومبى امتى دا

  • شخص 1 :

    جالنا برجله ابن المرا

  • شخص 2 :

    انا هفرتكه

  • يضرب البطلان مصطفى كامل بالاسلحة النارية بشراهة مخيفة و يبدء مصطفى فى السقوط ميتا و فى الخلفية اغنية " تسلم الايادى "

  • ينهى البطلان قتل الدفعة الاولى من الزومبيز ثم ينهار شخص 1 على الارض باكيا

  • شخص 2 :

    مالك ؟

  • شخص 1 :

    اللى احنا عملاناه دا خلانا نفقد انسانيتا يا صاحبى , احنا بقينا الة قتل

  • تخرج الدفعة التانية من الزومبى ثم يمسك شخص 1 سلاحة مرة اخرى و يقتل فى الزمبى و هو يصرخ ," خلتونى ابقى عديم الانسانية يا ولاد المرا "

  • و يستمر القتل فى الزمبيز بعدها تبدء زخيرتهم بالنفاذ

  • شخص 2 :

    ولا انا زخيرتى خلصت

  • شخص 1 :

    و انا كمان !!!

  • شخص 2 :

    طيب احا , يالا اجررررررى

  • يبدء البطلان بالفرار قم يجيدان سعد الصغير فى طريقهم و يرموا للزومبى حتى يأكلواه و يعطلهم قليلا

  • شخص 2 :

    انت ايه اللى عملته دا ؟

  • شخص 1 :

    دا سعد الصغير , مفيش اتنين فى مصر هيزعلوا عليه

  • شخص 2 :

    هاهاهااهاهاهاهاه

  • يهرب البطلان حتى يصلان الى شارع مسدود ليس له مخارج

  • شخص 1:

    دا طلع مفيش مخرج

  • شخص 2 :

    شطلها نهايتنا خلاص !

  • قطع -

  • المكان داخل بيت الزومبىز يزحف الزومبى النباتى حتى يصل الى الموبايل و هو يكح و يبدوا عليه الهجوم الشديد و يتصل بـ الدكتور شربينى و هو يلتقط انفاسه الاخيرة

  • موبايل يرن *

  • دكتور شربينى :

    الو؟

  • الزومبى النباتى :

    ايوه يا دكتور

  • دكتور شربينى :

    زومبى انت حى !!!

  • الزمبى النباتى :

    اسمع يا دكتور عشان مفيش وقت , الطريقة الوحيدة اللى تخلص بيها على الزومبيز هى انك تشغل قدامهم اغنية " جولوا للعالم مصر اسلامية " , وهى هتخلص عليهم فورا ... كح كح

  • الدكتور شربينى :

    الو؟ الو؟ الو؟ الو؟ يا زمبى

  • - قطع

  • يعود تانى المشهد للبطلان بعد ان تم محاصرتهم فى كل مكان من الزومبيز و اقتراب الزومبيز منهم

  • شخص 2 :

    ابعدوا عنى محدش يلمسنى انا عندى الايدز !!

  • شخص 1 :

    ...

  • شخص 2 :

    اى حد فيكم هياكلنى هيتنقله المرض

  • شخص 1 :

    و انا زيه بالظبط

  • ينظر الزومبيز لبعضهم فى ذهول ثم يلتفتوا و يتجهون الى الوراء و يتركوا البطلان بعد ان خدعوهم انهم مصابين بالـ الايدز

  • - تظهر فى السماء طائرة هيليكوبتر و بداخلها الدكتور شربينى و يشاور لهم بعلامة النصر

  • ثم تبدء اغنية تسلم الايادى بـ العمل , وينهار الزومبيز ع الارض ثم يموتوا

  • قطع -

  • يظهر الدكترو و البطلان و بجوارهم الزومبى النباتى

  • الزومبى النباتى :

    نجحنا , نجحنا قدرنا ننقذ العالم من الزومبيز

  • الجميع :

    هااااااااااااايييييه

  • شخص 1 :

    يا زومبى !

  • الزومبى النباتى :

    ايوه

  • شخص واحد :

    انت مش المفروض زومبى ؟

  • الزومبى النباتى :

    ايوه

  • شخص 1 :

    مش المفروض برضو ان اغنية " جولوا للعالم مصر اسلامية " تكون خلصت عليك انت كمان ؟

  • الزومبى النباتى :

    ...

  • - يقع الزومبى النباتى ع الارض و يموت فورا و تظهر فى الخلفية كلمة LOGIC

  • و يبتسم الجميع للكاميرا

  • النهاية

  • " طفل صغير يجرى على امه مرعوب "

  • الام :

    مالك يا دودو , خايف من ايه كدا ؟

  • الطفل :

    الحقينى يا ماما انا شوفت كائن مخيف على السلم

  • الام :

    مش احنا قولنا قبل كدا ان مفيش حاجة عفاريت يا دودو !

  • . الطفل :

    لا يا ماما , انا بجد شوفت كائن مخيف حواجبه تخينه بره

  • . الام :

    لا يا حبيبى متقلقش , دى ريهام بنت طانط سوسن جارتنا عاملة نيولوك .

To Tumblr, Love Pixel Union